Një ngjarje e rëndë ka ndodhur ditën e sotme në Elbasan, ku një 55-vjeçar i identifikuar si Elmaz Kaliaj ka plagosur me thikë bashkëshorten dhe komshiun. 50-vjeçarja Shkëlqime Kaliaj është goditur nga burri i saj pas një sherri për motive të dobëta, ndërsa Enver Aliu (komshiu), i cili po ashtu mbeti i plagosur, ka ndërhyrë për të qetësuar situatën. Të dy të plagosurit janë transportuar në spital dhe ndodhen jashtë rrezikut për jetën. Elmaz Kaliaj është arrestuar nga policia dhe ndodhet në komisariat për të kryer veprimet e nevojshme. Burime për Top Channel bëjnë me dije se 55-vjeçari vuante nga problemet e shëndetit mendor dhe së fundmi kishte ndërprerë ilaçet. Çifti ishin prindër të tre fëmijëve, dy vajzave dhe një djali, ndërsa sipas deklaratës së nënës së autorit, ata nuk kishin probleme. Marsine Kaliaj (mamaja autorit) deklaroi se së fundmi i kishte lënë ilaçet, ndërsa nusja ka qenë shumë e mirë dhe nuk kanë pasur debate.