Rusët na gjurmonin; kishin lista emrash, përfshirë dhe emrat tanë dhe ndiqnin personat e shënuar aty: Mstyslav Chernov reporter i Associated Press në Mariupol rrëfeu për The Guardian sesi është të rrëfesh të vërteën e një qyteti të rrethuar e të bombarduar pa pushim. “Kemi dkumentuar rrethimin e Mariupolit nga trupat ruse, për më shumë se dy javë shprehet ai dhe jemi gazetarët e vetëm ndërkombëtarë të mbetur ende këtu. Ishim bllokuar në një spital, mjekët na kanë dhënë vëshje të bardha që të hiqeshim si personel mjekësor. Ushtarë ukrainas erdhën me urdhra të qarta të na ndihmonin për t`u larguar prej andej. Rrezikuan jetën e tyre për ne”, shprehet Chernov. Oficeri që na u lut t`i rrëfenim botës të vërtetën e Mariupolit, na u lut këtë radhë që të largoheshim prej andej. “Nëse rusët ju kapin, do t`ju detyrojnë të thoni përpara kamerës se cdo gjë që keni filmuar këtu është e rreme, dhe gjithcka që keni bërë deri më sot për këtë qytet, do të shkojë dëm”, u shpreh ai. Lufta e informacionit vazhdon njëkohësisht me betejën në terren. Gazeta pro Kremlinit, Komsomolskaya Pravda , publikoi një ditë më parë një artikull në të cilin citonte Ministrinë ruse të Mbrojtjes të thoshte se gati 10 mijë ushtarë rusë janë vrarë gjatë luftës në Ukrainë. Por vetëm disa minuta më vonë, ky artikull u fshi nga faqja, ndërsa u tha se ai ishte rezultat i një hakimi dhe se gazeta do të publikonte një shpjegim më vonë.