Në imazhe shiheshin sot rrugë të zbrazura në Vienë, teksa Austria i rikthehet kufizimeve dramatike të Covid-19 pas fundjavës së protestave e dhunës. Vendi alpin thotë se po vendos masën e veksinimit të detyruar nga 1 shkurti, vendi i parë në botë që merr nismën ekstreme. Zhvillimi vjen pas fundjavës së protestave të dhunshme kundër vaksinimit dhe izolimeve në disa kryeqytete evropiane, si ato në Holande e Belgjikë. 145 njerëz u arrestuan në Holandë gjatë tre ditëve të trazirave. Të dielën në Bruksel policia lëshoi pomapat e ujit ndaj një proteste me të paktën 50 000 njerëz. Në Danimarkë në fundjavë disa mijëra demonstrues protestuan kundër vaksinimit të detyruar dhe pasaportës së vaksinës që rinis të kërkohet për punonjësit e admnistratës. Një turmë prej 50,000 njerezish marshuan të shtunën në Vienë duke dënuar ate qe quanin "diktaturë shendetesore", ashtu si dhe rreth 10 000 njerëz që protestuan dje në qytetin e Linz. Në protestën e Vienës pjesëmarrësit mbanin yje të verdhë ku shkruhej "i pavaksinuar", duke imituar yllin e Davidit që nazistët i venodsnin hebrejve gjatë Luftës II Botërore.