Në pamje shihen zjarrfikës që luftojnë flakët në pyjet e rajonit qendror të Patagonias në Argjentinë. Betejat me flakët vijojnë prej mëse një jave në disa rajone të vendit, të nxitura nga temperaturat e larta të pranverës jugore. Ministria vendase e mjedisit tha se për momentin nuk janë raportuar të vdekur ose të plagosur pasi zonat janë kryesisht të pabanuara. Ditët e para të verës që kanë nisur në hemisferën jugore kanë sjellë kushte të këqija atmosferike si nxehtësi, erëra të ndryshueshme dhe thatësi, thanë autoritetet. Në pesë provinca të shtetit argjentinas raportohen zona aktive zjaresh prej jugut, zonave qendrore dhe atyre veriore të vendit. Zjarre shiheshin në afërsi të zonave turistike pranë vargmaleve Ande, rreth 1,600 km në jugperëndim të kryeqytetit Buenos Aires. Në përpjekjet e shuarjes ishin përfshirë grupe emergjence e zjarrfikës të ndihmuar nga avionë dhe helikopterë me ujë të ushtrisë. Pamjet: AFP