ish-sekretarja amerikane e Shtetit, Madeleine Albright, një grua e madhe dhe një mike e mirë e shqiptaërve u nda nga jeta të mërkurën në moshën 84 vjecare pasi vuante nga kanceri. Madeleine Albright, ishte gruaja e parë e zgjedhur në postin e sekretares së shtetit më 1997 dhe shërbeu si e tillë deri në vitin 2001. Një nga figurat kryesore në administratën e Presidentit Bill Clinton, ajo mbrojti zgjerimin e NATO-s, nxiti që aleanca të ndërhynte në Ballkan për të ndaluar gjenocidin dhe spastrimin etnik në Kosovë, dhe përpoq të reduktonte përhapjen e armëve bërthamore si dhe mbrojti të drejtat e njeriut dhe demokracinë në të gjithë globin. E njohur si "një kampione e demokracisë", Albright pati rol thelbësor në pavarësinë e Kosovës, ku ka bërë dy vizita . në Prishtinë, në 2019, në përvjetorin e 20-të të hyrjes së trupave të NATO-s, u zbulua në Prishtinë busti për nder të saj. Albright ka vizituar edhe Shqipërinë në vitin 2000 kur vendi po gjentë më në fund pak qetësi pas trazirave të vitit 1997 dhe përfundimit të luftës në Kosovë . Albright fliste shpesh për sfidat e të qenit gruaja e parë që drejtonte Departamentin e Shtetit. Ajo ishte e njohur edhe për mbajtjen e karficave dekorative për të përcjellë mesazhet e saj të politikës së jashtme. Kur Saddam Husseini iu referua Albright si një gjarpër, ajo filloi të mbante një karficë gjarpëri prej ari. Ndërkohë në një shkrim të Neë York Times të shkruar muajin e kaluar pak para pushtimit rus të Ukrainës, Albright argumentoi se udhëheqësi rus Vladimir Putin do të bënte "një gabim historik" në pushtimin e Ukrainës dhe paralajmëroi për kosto shkatërruese për vendin e tij.E lindur si Marie Jana Korbelová, Albright iku nga nazistët si fëmijë nga vendlindja e saj, Çekosllovakia gjatë Luftës së Dytë Botërore. Ajo u bë një shtetase amerikane në vitin 1957.