Kryeministrja e Suedisë Magdalena Andersson refuzoi të komentojw pretendimin e Turqisë se ajo kishte premtuar të dëbonte individë të kërkuar nga Ankaraja si pjesë e përpjekjeve të Stokholmit për t'u bashkuar me NATO-n. Pavarësisht pyetjeve nga gazetarët dhe shqetësimeve mes refugjatëve kurdë dhe turq në Suedi, Andersson nuk pranoi të thoshte nëse një angazhim i tillë i ishte dhënë Ankarasë. Magdalena Andersson "E di që ka shumë shqetësime në komunitetin kurd tani dhe mendoj se ka dy gjëra që janë të rëndësishme për t'u theksuar. E para është se ne kurrë nuk i ekstradojmë shtetasit suedezë. Sepse e di që ka shqetësime edhe mes njerëzve që janë shtetas suedezë, por ata nuk ekstradohen kurrë. Gjëja tjetër është që sigurisht që ne do të vazhdojmë të ndjekim ligjin suedez dhe ndërkombëtar kur bëhet fjalë për ekstradimin."