Në zemër të Tiranës, në ambientet historike të Sarajeve të Toptanëve, u prezantua projekti i Muzeut e Artit dhe Trashëgimisë Islame. Në këtë konferencë ndërkombëtare mori pjesë edhe Kryeministri Edi Rama, i cili sapo ishte kthyer nga një vizitë zyrtare në Bruksel. Në fjalën e tij, Rama theksoi rëndësinë që ky muze për mozaikun e pasur të trashëgimisë shqiptare. “Ky muze është i nevojshëm dhe mjaftueshëm për ta përcjellë këtë dëshmi që përndryshe për shumëkënd është një dëshmi e munguar dhe madje edhe e pamundur sepse në mendjen edhe idenë e shumëkujt kultura dhe arti islam nuk kanë lidhje me Europën dhe madje këtë pasuri kaq të çmuar të kulturës e traditës tonë shumëkush e sheh si trashëgimi të imponuar nga një periudhë e caktuar e historisë. E vërteta është krejt ndryshe dhe dëshmia e kësaj të vërtete është një nevojë, domosdoshmëri dhe është një vlerë e shtuar për kryeqytetin. Ky muze i shtohet një gjerdani që po shkon duke u zgjatur dhe pasuruar me Teatrin e ri Kombëtar, Galerinë Kombëtare, Muzeun Besa që është fare ngjitur. Ajo që është e rëndësishme është se ky është një stacion kyç i historisë tonë si komb” Projekti u prezantua nga arkitekti i njohur spanjoll, Jesus Hernandez dhe pritet të jetë jo vetëm një qendër ekspozimi, por edhe një platformë e rëndësishme për nxitjen e dialogut ndërfetar dhe bashkëjetesës kulturore. Sipas Kryeministrit Rama, objektivi është që muzeu të jetë i përfunduar deri në vitin 2030.