Ministri i jashtëm i Kinës vizitoi Kabulin një javë para se Pekini të organizojë takimin e fqinjëve të Afganistanit për të ndihmuar qeverinë talibane. Edhe para ardhjes së qeverisë islamike në pushtet, Pekini kishte tentuar të mbante lidhje me grupet vendore gjatë tërheqjes së forcave të SHBA nga vendi. Pak pas mbërritjes, ministri kinez nisi takimin me homologun taliban Amir Khan Muttaqi. Ëang erdhi në Kabul nga kryeqyteti i Pakistanit ku mori pjesë në një takim dy-ditor të Organizatës se Bashkëpunimit Islamik. Që prej largimit të qeverisë së mbështetur nga SHBA, Afganistani po kalon një krizë financiare dhe humanitare. Kombet e Bashkuara dhe agjenci të tjera ndihmash thonë se gjysma e popullatës prej 38 milionë e vendit përballet me urinë gjatë dimrit të zgjatur.