Mijëra motoçiklistë protestuan në kryeqytetin kolumbian Bogota, kundër një urdhri që i ndalon të mbajnë pasagjerë nga e enjtja deri të shtunave. Masa u vendos nga kryebashkiakja Claudia Lopez që e justifikonte vendimin me arsyetimin se qyteti kërcënohej nga sulmet terroriste në prag të zgjedhjeve presidenciale. Motoçiklistët lëviznin ngadalë në disa rrugë të kryeqyteti duke shkaktuar radhë të gjata trafiku në fund të një dite të lodhshme pune. Kryebashkiakja tha se një në katër krime në kryeqytet kryhet njerëz që i japin motoçikletës por protestuesit pretendojnë se të dhënat janë të vjetra dhe akuzat të padrejta. “Ata kërkojnë të na bëjnë shembull, të na akuzojnë”, tha një përfaqësues i grupit të motoçiklistëve nga Bogotá. Protestuesit thanë se masa i ndalon të udhëtojnë edhe me anëtarët e familjes drejt vendeve të punës dhe të mësimit. Në kryeqytetin kolumbian me tetë milionë banorë qarkullojnë më shumë se 500 000 motoçikleta.