Mijëra njerëz ishin mbledhur sot në sheshin Esplanade des Invalides (Esplanad Dez-invalid) në Paris për homazhet kombëtare ndaj aktorit të njohur Jean-Paul Belmondo. Politikanë, figura të artit e sporteve, dëgjuan fjalimin e lamtumirës nga presidenti Emmanuel Macron te shoqeruar nga transmetime në ekranet gjigante. Macron përmendi se Belmondo ishte një “prezencë e paharrueshme” në rangun e lartë të autorëve të tjerë franceze si Jean-Pierre Melville (Zhan-pjer-melvil), Alain Resnais (Alen resne) e Claude Chabrol (Klod Shabrol). “Ne e duam Belmondo sepse ai ishte një nga ne, një prezencë që rritej më e madhe nga filmi në film,” tha Macron në ceremoni, duke e quajtur “yll të pashoq të kinemasë franceze”. Herën e fundit që janë bërë homazhe të tilla në Francë ishin ato për vdekjen e presidentit Jacques Chirac në 2019.