Mijëra çifte në Kinë kanë vendosur të martohen në ditën që koinçidon me datën e konsideruar “fatsjellëse” 22/02/2022. E marta është dita e 22-të e muajit të parë të vitit Hënor dhe dita e dytë e javës, që sipas bestytnisë vendase shton shanset e fatit të mirë. Regjistrime të shumta kishin ardhur për nënshkrime martese në këtë ditë, teksa zyra e punëve civile në Pekin tha se më shumë se 500 çifte kishin marrë dokumentet. Edhe në zona të tjera kishte vërshime të tilla martesash për datën e sotme, si në qytetin lindor Nanjing, që regjistroi më shumë se 2,200 bashkime zyrtare. Nusja Zhang Wei nga Guangzhou, tha se dita e sotme ishte shumë kuptimplotë per të. "Kontrollova kalendarin Hënor dhe pashë që ishte ditë e veçantë. Edhe ditëlindja ime është ditën e 22-të, numri im me fat është 2 prandaj zgjodha këtë ditë”.