Kancelarja gjermane Angela Merkel dhe presidenti amerikan Joe Biden dolën në një përfundim të qartë gjatë bisedës së tyre urgjente telefonike: Rusia duhet të largojë trupat e dërguara në kufirin me Ukrainën, sepse vetëm kjo do të ndihmonte në uljen e tensioneve të këtyre ditëve, që po vijnë në përshkallëzim. Të dy liderët kanë insistuar në bisëden ems tyre se është e domosdoshme që Moska të tërheq trupat nga rajoni. Njoftimi për telefonatën u bë nga ana e zyrës së kancelares Merkel.Gjatë ditëve të fundit Rusia ka vendosur njësi të armatosura në kufi në Ukrainën, duke rritur shqetësimet e vendeve perëndimore.Bisedimet mes Merkel dhe Biden pasuan takimin urgjent të ministrave të NATO-s në Bruksel të cilët ngritën çështjen e situatës në kufirin Rusi-Ukrainë.Sekretari i Përgjithshëm i NATO-s Jens Stoltenberg tha se NATO-ja i bën thirrje Rusisë të "ndalojë provokimet ". Ministrja gjermane e Mbrojtjes, Annegret Kramp-Karrenbauer gjithashtu më herët akuzoi Rusinë për përpjekjen e saj që të rrisë tensionet përgjatë kufirit. Në Uashington, drejtori i Agjencisë Qendrore të Inteligjencës (CIA), Ëilliam Burns, i tha një komiteti të Senatit të SHBA-së, që situata duhet të merret seriozisht nga ana e Shtetet e Bashkuara dhe aleatët e saj. Rusia ka këmbëngulur se ajo dërgoi trupa në kufijtë e saj perëndimorë për stërvitje luftarake për shkak të "kërcënimeve" nga aleanca transatlantike. Rusia aneksoi Gadishullin e Krimesë të Ukrainës në mars të vitit 2014, duke dërguar trupa dhe duke organizuar një referendum që u shpall i paligjshëm nga të paktën 100 vende. Moska gjithashtu mbështet separatistët në një luftë kundër forcave të qeverisë ukrainase. Deri më tani janë vrarë më shumë se 13.000 njerëz në Ukrainën Lindore.