Mjete detare meksikane dhe avionë zbulues patrullonin në Gjirin e Kalifornisë për të shpëtuar nga zhdukja një prej gjitarëve më të rallë në botë. Marina e Meksikës dhe grupe mjedisore po punonin për mbrojtjen e definit ‘vaquita’i rrezikuar për vdekje nga rrjetat ilegale të peshkatarëve. Rrjeta të mëdha janë lëshuar në këtë rajon për kapjen e totoaba-s, peshkut të madh që shitet për mijëra dollarë në Kinë prej cilësive të supozuara të shërimit. Prej fillimit të vitit ushtria ka shtuar mbikqyrjen detare pas kritikave se Meksika nuk po bën sa duhet për mbrojtjen e delfinit më të vogël të planetit. Operacioni vjen pasi studiuesit pikasën tetë individë ‘vakuita’ me tiparin e tyre unik të rrathëve të zinj te sytë, në fund të vitit të shkuar. Llogaritet se vetëm 20 individë kanë mbetur në zonën e Gjirit të Kalifronisë, që është i vetmi habitat i gjitarit të rrallë, sipas studiuesve. Personeli i marinës po monitorin çdo ditë zonën duke kërkuar për rrjeta ilegale dhe duke ndaluar që peshkatarët të afrohen në zonën e ndaluar.