Policia afrikano-jugore ka shkatërruar një kopsht me kanabis që kultivohej nga aktivistë indigjenë Koisan. Autoritetet arrestuan liderin Koisan i cili mbahej te një bimë e lartë kanabisi, duke e tërhequr përmes kopshtit te pallatit presidencial në Pretoria. Aktivistët indigjenë kishin ngritur një kamp pranë zyrave të presidentit të vendit Cyril Ramaphosa prej gati tre vitesh, thanë gazetarët e AFP. Lideri i tyre me veshjet tradicionale, u arrestua sot nga policia. "Policia po na shpall luftë," thërriste ai. "Ne kemi qenë këtu paqësisht, por do të pendoheni”, shtoi burri që e quan veten Mbreti Koisan i Afrikës së Jugut. Banorët koisanë janë komunitete të vjetra që prej kohës së kolonizatorëve holandezë në shekullin e 17-të. Gjatë mësymjes së policisë një tjetër aktivist thërriste: "Për bimë na arrestoni? Jeni njerëz plehra me uniformë." Tendat e këtij grupi qëndron pranë pallatit presidencial prej vitit 2018, kur nisi protesta për njohjen e gjuhës së tyre. Një prej tendave është vetëm disa metra larg statujës së bronztë të Nelson Mandela. Disa dhjetëra policë me veshje të rënda të hipur në kuaj, bastisën sot grupin e vogël protestues. Ata thanë se aksioni nisi prej bimëve ilegale të kanabisit të mbjella gjashtë muaj më parë.