Top Channel/ Mashtrimi më i madh që bota ka parë ndonjëherë! Ndërtuesja vietnameze dënohet me vdekje

Një milionere e njohur pronash në Vietnam është dënuar me vdekje për rolin e saj në një vjedhje gjigante prej rreth 35 miliardë dollarë, mes një fushate te gjere e të kontestuar ‘anti-korrupsioni të qeverisë. Truong My Lan, kryetare e kompanisë ndërtuese Van Thinh Phat, akuzohet se ka vjedhur paratë nga banka Saigon Commercial Bank gjatë një periudhe 10-vjeçare. Autoritetet njoftuan sot se ajo është shpallur fajtore për përvetësim, ryshfet dhe shkelje të rregullave bankare, prandaj është dënuar me vdekje nga gjykata e kryeqytetit Ho Chi Minh. Avokatët e miliarderes thanë se do të apelonin ndaj rastit të profilit të lartë, që është pjesë e një fushate të re anti-korrupsioni të shpallur nga qeveria. Autoritetet thanë se më shumë se 2000 njerëz ishin thirrur si dëshmitarë gjatë gjyqit te Lan, ku bashkë me të u gjykuan dhe 85 të akuzuar të tjerë. Provat e gjyqit raportohet se mbaheshin në 104 kuti dhe peshonin me shume se 1 ton. 67-vjeçarja që drejtonte kompaninë e ndërtimit akuzohet për manipulime financiare që arrinin në 12 miliardë dollarë në 2022. Pamjet: AFP