Masakrimi i vajzës 11-vjeçare nga daja i saj ka tronditur Greqinë, duke sjellë një situatë kaotike jashtë gjykatës së Pirgos. Familjarët e viktimës dhe dhjetëra qytetarë kanë sulmuar makinës së policisë, që shoqëronte autorin e ngjarjes drejt gjykatës. U desh ndërhyrja e patrullave, por situata nuk u qetësua aspak, teksa incidentet nga qytetarët vazhduan. Për pasojë, efektivët u detyruan të shtyjnë transferimin e 37-vjeçarit për arsye sigurie. Daja, i cili fillimisht u shtir si i pikëlluar për vdekjen e motrës, rezultoi autori i këtij krimi, të cilin më pas e rrëfeu vetë në polici. “E çova në fushë dhe e vrava”, ishte dëshmia e tij. Pamje nga kamerat e sigurisë kapën autorin kur mori mbesën në shtëpi dhe u largua me makinë, ku më pas dyshohet se ka tentuar ta përdhunojë, por ku ka hasur në rezistencën e saj, e ka dhunuar për vdekje. Në vitin 2017, ai u dënua dhe u shpall fajtor për përdhunimin e një të mituri, por nuk u dënua me burg, pasi gjykata e la në liri me kusht. Pamjet: AFP