Vëllezërit Vladimir dhe Vitaly Klitschko në një video në rrjetin social Telegram reaguan për vrasjen e mbi 300 civilëve në qytetin Bucha, në veriperëndim të Kievit. “Unë nuk e kuptoj se si një person mund ta bëjë këtë, por jam i bindur se në shumë qytete të Ukrainës ka shumë episode të tilla dhe agresori duhet të paguajë për këtë”, tha Vladimir, ndërsa vëllai itj Vitali shtoi se "ky është çmimi për jetët e mijëra ukrainasve. Ne nuk do ta falim atë që u është bërë qyteteve tona dhe njerëzve tanë."