Një 27 vjecare nga qyteti i rrethuar i Mariupolit në Ukrainë, e identifikuar vetëm si Victoria nga BBC, tha se qyteti kthyer thuajse i gjithe në një gërmadhë. Vajza vetë arriti të largohej prej andej dhe tani gjendet në një fshat rreth 20 km larg, por familjen e ka lënë pas. “Njerëzit po fshihen nëpër bodrume, megjithate nuk janë të sigurtë as atje. Aq fort jane duke bombarduar ruset, sa edhe bodrumet po shkatërrohen”, thotë ajo. Victoria rrëfen se shumë njerëz nuk kanë as ushqime, e as ujë të pijshëm. “Tre fëmijë që unë vetë i kam njohur, kanë ndërruar jetë nga dehidratimi. Është shekulli 21, dhe në qytetin tim, fëmijët vdesin të dehidratuar. Njerëzit tanë po përballen me urinë”, thote 27 vjecarja. Ajo është e vendosur të qëndrojë në Ukrainë e të përpiqet të shpëtojë familjen e saj. Mariupoli është jeta ime, shprehet Victoria- nuk e kuptoj pse duhet ta lë qytetin tim sepse kështu do Rusia, thotë ajo. Zyrtarët ukrainas sakaq pretendojnë se Rusia ka rrëmbyer gati 2.400 fëmijë nga rajoni i Donbasit. Ministria e jashtme ukrainase flet për një numër të madh të miturish të “deportuar ilegalisht” nga ky rajon. 115 fëmijë llogaritet të jenë vrarë në Ukrainë që nga fillimi i konfliktit, ndërsa sipas OKB-së, 1.5 milionë fëmijë janë detyruar të zhvendosen nga shtëpitë e tyre.