Pamje të reja dramatike tregonin sot lumenj llave që shuheshin në brigjet e oqeanit, dy muaj pas shpërthimit të pandalur të vullkanit të Kumbre Vieja. Nuk dihet ende kur mund të mbyllet shpërthimi vullkanik në ishujt spanjollë Kanarie ne Atlantik, thanë sot ekspertët. "Nivelet e dyoksidit të sulfurit tregojnë se shpëthimi do të zgjasë ende," tha vullkanologia vendase Maria Jose Blanco, duke sugjeruar zgjatje te aktivitit për disa javë ose ndoshta muaj. Shpërthimi ka nisur më 19 shtator dhe është i treti brenda një shekulli në La Palma, pas atyre në San Juan në 1949 dhe Teneguia në vitin 1971. Deri tani asnjë nuk është vrarë nga rrjedha e vazhduieshme e llavës por shkëmbi i shkrirë ka mbuluar rreth 600 hektarë tokë dhe ka shkatërruar mbi 1200 ndërtesa. Më shumë se 6,000 njerëz janë evakuar por aeroporti vijon me numër të reduktuar fluturimesh.