Për vrasjen e Durim Bamit, me porosi të ish-deputetit të PS, Arben Ndoka, dyshohet se është angazhuar “një bandë e tërë”, përfshirë Ervis Martinajn, Astrit dhe Altin Avdyli, Emiljano Shullazi. Top Channel mëson se pasi foli me informatorin e tij, duke deklaruar se kishte parë Durim Bamin duke lëvizur me një Range Rover, Shullazi i tha se duhet ta kapin dhe ta vrasin, e të mos presin më, bisedat të bëra në vitin 2020. CITAT/ Emiljano Shullazi: Kape ** r***, mos ja zgjat, se jam ktu dhe robt që janë jashtë me fol kuptohet dhe e kanë pak problem me ardh në Nikël dhe me mbaru punë. Ky legeni që është këtë në burg Rraja, (Redjan Rraja) thotë që Duri është më i fuqishmi aty, i bën reklamë Në megaoperacionin e pak ditëve më parë Prokuroria e Posaçme Antikorrupsion SPAK, janë lëshuar 50 urdhërarreste dhe shkatërruar 7 grupe kriminale, që përbeheshin nga emra shumë të njohur të botës së krimit. Në materialet e SPAK, kanë dalë bisedat mes të arrestuarave që u përkasin grupeve kriminale ku flasin dhe dakordësohen për ngjarje kriminale.