Pamje që duket sikur tregojnë UFO në ngjyrë portokalli duke fluturuar në “formacion të rregullt” janë raportuar në pjesë të ndryshme të SHBA-së, sidomos ne qytetet e mëdha. Symkai Scott nga Baltimore tha për The Sun se ndërsa kthehej në shtëpi, i kishte parë dritat teksa qëndronin pezull në ajër. “Kishte 6 apo 7 të tilla. Ishin portokalli dhe si të rrumbullakëta, dhe dukej sikur ishin vendosur në pozicione të rregullta nga njëra-tjetja”, ka rrëfyer ai. “Kishte shumë njerëz në rrugë. Ata kishin ndaluar e po i shikonin, por askush nuk e dinte se cfarë ishin”, shton burri. Scott e postoi videon online dhe shumë shpejt, përdorues të tjerë të mediave sociale rrefyen se kishin parë “saktësisht të njëjtën gjë “ në Washington DC, Las Vegas, Saint Louis dhe Detroit. Një komentues nga Virginia Perëndimore tha se kishte pirë pak verë, dhe kishte menduar se mos po i bënin sytë dhe se gjithcka ishte pjellë e imagjinatës së tij. Dikush tjetër në Kaliforni u shpreh se dritat kishin qëndruar në ajër për disa sekonda përpara se të zhdukeshin në të njëjtën kohë dhe ishin të gjitha në një ngjyrë portokalli shumë të fortë!