Kryeministrja e Finlandës kërkoi sot ndjesë jashtë parlamentit pasi kishte qëndurar natën jashtë duke u zbavitur në fundjavë, pas kontaktit me një të infektuar. 36 vjeçarja Sanna Marin kishte kërkuar fillimisht ndjesë në rrjetet sociale pasi kishte qëndruar të dielën në një klub nate në Helsinki deri në 4 të mëngjesit. Më herët ajo kishte kontaktuar me minsitrin Pekka Haavisto i cili rezultoi pozitiv me koronavirus. Kryeministrja social-demorkate tha se kishte marrë një mesazh që i këshillonte të evitonte kontaktet shoqërore, por shtoi celularin e punes ‘e kishte lënë në shtëpi’. Ajo tha se kur e kishte parë mesazhin kishte bërë menjëherë testin dhe rezultoi negative. Por opozita sugjeroi se ky nuk është shembulli që Marin duhet të japë në publik. Mia Laiho, deputet i partisë opozitare të Koalicionit Kombëtar tha se veprimet e Marin ishin “të papërgjegjshme”.