Pas dy vitesh shtyrjeje nga kufizimet e pandemisë, kryeqyteti suedez Stockolm ka mbajtur sot konventën e përvitshme të tatuazheve. Eventi i sivjetshëm ka tërhequr akoma më shumë entuziastë dhe profesionistë pasi në shumë vende evropiane grumbullime të tilla vijojnë të ndalohen nga autoritetet. Nico, nga Italia thotë: "Këtu ka shumë liri. Ndërsa në Itali nuk ka më liri ditët e sotme, aty do të ishte e pamendueshme të mbahej një konventë tatuazhesh”. Lars Brangenfeldt, artist tatuazhesh nga Suedia thotë: "Sivjet konventa po tërheq më shumë artistë ndërkombëtarë pasi Suedia është më e lirë për shumë gjëra.” “Një miku im nga Spanja që erdhi sot u habit me masat e lirshme në aeroport. Kjo pasi në Spanjë nuk mund të shkosh askund pa maskë në fytyrë.” “Arsyeja është sepse ne jemi suedezë, kaq mund t’ju them. Suedezët janë të shthurur në njëfarë mënyre”. Artistja vendase e tatuazheve Hélène Dahlberg, tha se ishte e lumtur për eventin: "Njerëzit e shumtë? Dua të mpleksem me të gjithë nejrëzit e botës në këto momente, sepse jam ndjerë pak e vetmuar pa konventat”. “Eshtë e vërtetë, kjo ka të bëjë më shumë me njerëzit, me bashkimin mes njerwzve”, tha ajo. Ndërsa Tristan nga Danimarka ka ardhur për të marrë një tatuazh kujtim me vete nga konventa. "Kam ardhur për të bërë një tatuazh në ballë e në mjekër. Kemi dhe ne një festival të tillë pranë Kopenhagen por ky është më i madh dhe kam dëgjuar gjëra të mira për Stokholmin."