Avionët luftarakë japonezë u ngritën në fluturim ndërsa avionë ushtarakë rusë, përfshirë bombardues të aftë për të mbajtur armë bërthamore, fluturuan afër hapësirës ajrore të aleatit të Shteteve të Bashkuara. Ministria japoneze e Mbrojtjes tha se do të mbetet në gatishmëri të plotë për të mbrojtur territorin dhe qytetarët e vendit. Ministria japoneze e mbrojtjes tha se rusia kishte dërguar dy bombardues dhe dy avionë luftarakë mbi detin e japonisë, të premten. Avionët fluturuan pranë brigjeve të Hokaidos dhe Honshu-së, dy ishujt kryesorë të japonisë. Ndonëse avionët mbetën jashtë hapësirës ajrore të japonisë, ata u panë me raketa të montuara nën krahët e tyre. Ministria ruse e Mbrojtjes konfirmoi incidentin, duke thënë se bombarduesit e saj Tu-95MS kryen një fluturim rutinë brenda hapësirës ajrore ndërkombëtare. Rusia ka treguar forcën e saj ushtarake në rajonin e Lindjes së Largët të vendit përmes avionëve dhe anijeve luftarake, duke alarmuar Japoninë, e cila i ka përshkruar lëvizjet si një shqetësim të fortë për sigurinë, përveç lidhjeve strategjike të Moskës me Kinën. Japonia mban rreth 60,000 trupa amerikane në këmbim të garancive të sigurisë nga Uashingtoni. Të paktën katër bombardues B-1B që nuk janë të armatosur me armë bërthamore u vendosën në Japoni më herët këtë muaj, dhe ushtria amerikane tha se lëvizja kishte për qëllim të forconte stabilitetin në rajon. Incidenti me bombarduesit rus vjen pak para vizitës së Presidentit të SHBA-së Donald Trump në Japoni, ku ai do takohet me kryeministren e parë femër të vendit, Sanae Takaichi.