Rusia dhe Kina kanë përdorur dhe vijojnë të përdorin joshjen në Silicon Valley për të vjedhur sekretet teknologjike amerikane. Një investigim i ‘The Times of London’ zbulon se Pekini dhe Moska kanë rekrutuar të paktën që në fillim të viteve ’90 të shekullit të kaluar modele dhe vajza të reja, që më pas zhvendosen në Shtetet e Bashkuara të Amerikës me misione sekrete; sigurimin e zbulimeve teknologjike amerikane dhe dërgimin e tyre në vendlindje. Për të realizuar këtë mision, sipas investigimit, vajza lidhen me drejtorë ekzekutivë, apo aksionerë të kompanive amerikane të teknologjisë, ku në disa raste kanë bashkëjetuar për vite me ta, madje edhe janë martuar dhe kanë lindur edhe fëmijë. Agjentet ruse ne kineze përdorin aktualisht rrjetet sociale dhe kompeticionet për start up-e dhe bashkëfinancimin e projekteve teknologjike për t’u infiltruar në zemrën amerikane të teknologjisë.