Kryetarja e dhomës së ulët të Kongresit amerikan Nancy Pelosi drejtoi sot sallën për “momentin e heshtjes” për heronjtë e trazirave të 6 janarit 2021 në Uashington. Presidenti Joe Biden tha se Donald Trump kishte tentuar të përbyste zgjedhjet presidenciale të 2020 dhe u zotua se “nuk do të lejojë më njeri të mbysë demokracinë”. Pasi nuk e kishte përmendur emrin e Trump prej një viti, Biden i rizgjua duke e përshkruar republikanin si “manipulues” që sulmoi Kongresin me mbështetësit e tij. Zhvillimi vjen në një kohë kur Trump ka njoftuar rikandidimin me akuza manipulimi dhe vjedhjes masive të votave nga demokratët e Joe Biden. "Ajo ishte një kryengritje e armatosur," tha Biden nga salla ku një vit më parë deputetët vraponin për jetën e tyre prej pushtimit nga mbështetësit e Trump. Duke përshkruar rreziqet me të cilat përballet vendi i njohur si “lider i botës së lirë” Biden tha se nuk duhet pranuar që dhuna politike të bëhet normalitet.