Në imazhe shihen forca pro-qeveritare jemenite të udhëhequra nga Arabia Saudite dhe Emiratet e Bashkuara, që qëllojnë ndaj rebelëve Huthi në rajonin Shabua. Konfliktii rëndë civil në Jemen ku janë përfshirë disa fuqi rajonale, vijon prej tetë vjetësh dhe ka krijuar krizën më të rëndë humanitare në botë, sipas OKB. Rreth 200 luftëtarë janë vrarë kësaj jave në luftimet pranë qytetit strategjik Marib, njoftonin sot burimet mjekësore dhe ushtarake. Më shumë se 125 rebelë Huthi ishin vrarë nga sulmet ajrore të Arabisë Saudite në rrethinat e Marib, thanë burimet mjekësore për rrjetin AFP. Forcat e Arabisë Saudite dhe Emirateve të Bashkuara Arabe thanë se kishin humbur 70 luftëtarë në 24 orët e fundit. Rebelët Huthi mbështeten ushtarakisht nga Irani që kundështon vendosjen e një qeverie pro-amerikane në vend.