Presidenti kinez Xi Jinping tha sot se Kina mbetet e hapur për botën e jashtme, duke u dhënë mundësi zhvillimi të gjitha kombeve. Xi foli për samitin e G20 në Romë me një lidhje direkte video nga Pekini. "Kinezët e lashtë thonin se ndershmëria është themeli i bërjes së miqësive në botë”. “Prandaj ne jemi besnikë ndaj parimit dhe hapjes për botën e jashtme, duke u përpjekur për hapjen institucionale të rregullave të tregtisë, menaxhimit dhe standardeve te saj”. "Ne do të vijojmë mbrojtjen e të drejtave të pronës intelektuale, dhe krijimin e një mjedisi biznesi të orientuar nga tregu”. “Zhvillimi i Kinës do të sjellë më shumë mundësi për të gjitha vendet, duke i dhënë më shumë nxitje ekonomisë botërore”, tha mes të tjerash Xi. Liderët e vendeve më të zhvilluara u mblodhën sot në samitin e G20 në Rome, me objektiva kryesore bashkërendimin e përpjekejve ndaj ndryshimeve klimatike dhe atë që quanin “barazia për vaksinën”.