President i ri i Kilit është 35 vjecari Gabriel Boriç, ish lider i lëvizjes studentore dhe kandidat i majtë, që triumfoi me një diferencë të ndjeshme votash në balotazh kundër rivalit Jose Antonio Kast. Politikani konservator i telefonoi duke pranuar humbjen dhe e uroi rivalin për fitoren dërrmuese. Sipas të dhënave zyrtare, pjesëmarrja ishte rekord për Kilin, mbi 50%, e barazvlefshme me mbi tetë milionë vota. Ishte falë pjesëmarrjes më të madhe që projekti i ndryshimit i propozuar nga lideri i koalicionit Apruebo Dignidad, merr driten jeshile dhe e bën atë kreun më të ri të shtetit në historinë e këtij vendi. Boric do të bëjë betimin në 11 mars 2022. Kryetari komunist i qarkut Recoleta në Santiago de Kili dhe rivali i Boriçit në zgjedhjet paraprake të fituara nga ky i fundit, deklaroi se me "këtë fitore e konsiderojmë të mbyllur kapitullin e diktaturës" nga Augusto Pinochet. Kandidati fitues mori një telefonatë nga presidenti në largim i Republikës, Sebastián Piñera, i cili e uroi dhe e ftoi të njëjtën ditë për një takim në godinën Moneda. Duke folur për shtypin, Pinera tha se ishte i bindur se Boriç do të jetë presidenti i të gjithë kilianëve, atyre që votuan për të, atyre që votuan për kundërshtarin dhe atyre që abstenuan. “Shpresoj se do të dijë të qeverisë me mençuri, maturi, forcë, urtësi dhe moderim”, u shpreh ai.