Lista Serbe e cilësoi vendimin e Qeverisë së Kosovës për t`i shpallur organizata terroriste “Mbrojtjen Civile” dhe “Brigadën e Veriut”,si “pjesë të planit të regjimit të kryeministritAlbin Kurti për të vazhduar terrorin politik në veri të Kosovës dhe arrestimin e serbëve.“Planet që dalin nga ky vendim tregojnë se në vend të shtensionimit në bazë të thirrjeve të gjithë bashkësisë ndërkombëtare dhe mbarë popullit serb, Kurti po planifikon një përshkallëzim të mëtejshëm të situatës, represion dhe konsolidim të pushtetit policor dhe pushtues në veri të Kosovës”, thuhet në njoftimin e partisë më të madhe të serbëve në vend. Një ditë më parë, Prishtina zyrtare i shpalli terroriste organizatat “Mbrojtja Civile” dhe “Brigada e Veriut” që veprojnë në veri të Kosovës me argumentin se ato “qëndrojnë pas trazirave të kohëve të fundit atje dhe se paraqesin “një kërcënim serioz dhe të drejtpërdrejtë për rendin kushtetues dhe sigurinë në Kosovë”.Lista Serbe i bëri thirrje misioneve të NATO-s dhe Bashkimit Evropian në Kosovë, KFOR-it dhe EULEX-it që të vendosin menjëherë forcat e tyre në veri në mënyrë që të “parandalojnë, sic thotë ajo Kurtin, që të realizojë planin e tij djallëzor dhe të rrezikojë paqen”.Autoritetet në Kosovë sqaruan se vendimi për shpalljen e këtyre dy organizatave si terroriste nuk do të prekë askënd që mund të ketë kryer vepra penale para këtij vendimi.Sipas ligjit në Kosovë, kur organizatat shpallen terroriste, aktiviteti i tyre ndalohet menjëherë.