Policia e Fierit ka arrestuar sot një nga autorët e dyshuar të atentatit ndaj Elton Javorit. Nipi i një prej anëtarëve të bandës së Fierit u ekzekutua dhjetorin e vitit të kaluar në qytetin e Fierit. Në pranga ra sot Kreshnik Gashi. Në bashkëpunim me vëllain e tij Agim Gashi, më 7 dhjetor të vitit 2023 ai vrau Elton Javorin. Ky i fundit u gjet i vdekur nga familjarët brenda automjetit Porsche Cayenne, pak metra larg banesës së tij në lagjen ‘16 prilli’ në Fier. Jovari kishte marrë një plumb në kokë. Konfliktet dhe përplasjet mes vëllezërve Gashi dhe Jovarit kishin nisur në Gjermani për pazare të prishura të drogës. Hesapet e vjetra dy vëllezërit Gashi duket se i mbyllën në vendlindje. Elton Javori është nipi i Medi dhe Demir Backës. I pari Medi Backa, i njohur si anëtar i bandës së Fierit u vra në 1997, në Masakrën e Levanit, me 23 viktima. Kurse Demir Backa u eliminua me kallshnikovë mbrëmjen e 23 tetorit 2021 në qendër të Fierit.