Olaf Shols tha në fjalimin e tij të parë si kancelar i gjermanisë se vendi duhet të përgatitet për një ndryshim të madh industrial Pas nesh ndodhen 250 vjet, në të cilat prosperiteti ynë u bazua në djegien e qymyrit, naftës dhe gazit. Tani kemi rreth 23 vjet para nesh për të braktisur lëndët djegëse fosile dhe do t'i braktisim ato," tha kancelari Olaf Scholz gjatë deklaratës së tij të parë qeveritare në Bundestag. Gjermania duhet të arrijë objektivin klimatik deri në vitin 2045. Qeveria është e përkushtuar të respektojë marrëveshjen e Parisit për klimën dhe do të kontribuojë në suksesin e saj. "Prandaj ne kemi përpara transformimin më të madh të industrisë dhe ekonomisë sonë, të paktën të 100 viteve (të fundit)" Scholz-i shprehu besim, për kalimin e suksesshëm të furnizimit me energji më miqësore me klimën. Për këtë, Gjermania duhet të paktën të dyfishojë prodhimin e energjisë elektrike të rinovueshme deri në vitin 2030. Deri atëherë, 80% e nevojave për energji elektrike duhet të mbulohen nga burime të ripërtëritshme. Mirëqënia e vendit varet nga aftësia për të ndërtuar infrastrukturën e nevojshme në epokën e neutralitetit klimatik. Kjo është veçanërisht e dukshme në fushën e furnizimit me energji, tha Scholz.