Kriza e cmimeve ka prekur edhe vendet e afrikës ku disa vuajnë varfëri ekstreme. në kamerun po përdoret si ushqim edhe mielli i patates. Bukëpjekësi kamerunas Guy-Marcel Nganta ka përdorur prej vitesh pataten e ëmbël, rrënjët kasava dhe miellin e misrit për klientelën e tij më të varfër. Tashmë vendasit e kanë gjetur veten në një valë të re rritjeje çmimesh prej krizës së luftës në Ukrainë. "Tani jemi duke bërë bukë me patate të ëmbël. Është e pasuruar me disa perime për të pasur më shumë vlera ushqyese.""Këtu kemi bukë patateje, bukë kasava, dhe bukë misri, të pasuruar me perime, me ingredientë të rritur të gjithë këtu në Kamerun”, thotë bukëpjekësi. Klientët e tij vendas vlerësojnë përpjekjet e Nganta, në një kohë të vështirë ekonomike. "Shija e bukës është ndryshe, por është bërë me përbërës nga Kameruni. Janë të gjithë ingredientë natyralë dhe kur e ha mbush më shumë stomakun”, thotë vendasi Leëis Ateba. Blerësja Madeline Nget shtoi: "Ne këtu po vuajmë. Vendi ynë ka gjithçka dhe megjithatë ne vuajmë për bukë. Kameruni është i pasur por çdo gjë që blejmë çuditërisht zhduket”. “Shikojeni këtë, a vlen një bukë 150 franga ($0.25)? Jo, jo, kjo është shumë. Ne jemi shumë të zemëruar me këtë situatë tha ajo."