Të tjera sulme ajrore janë ndërmarrë nga ana e Izraelit në mbarë Rripin e Gazës, duke vrarë të paktën 31 persona thanë autoritetet shëndetësore palestineze. Sulmi vjen në një kohë kur ushtria izraelite po shtyn drejt një ofensive drejt Gazës. Sulmet ajrore dhe bombardimet me artileri janë kryer vazhdimisht në Qytetin e Gazës qëkur Izraeli e shpalli atë zonë të rrezikshme lufte javën e kaluar. Deri më tani, si pasojë e ofensivës izraelite janë vrarë më shumë se 63.000 palestinezë, sipas Ministrisë së Shëndetësisë në Gazë. Kjo ministri thotë se edhe më shumë se 160.000 të tjerë janë plagosur – por, në shifrat që ky institucion publikon, nuk bëhet dallimi mes civilëve të vrarë dhe luftëtarëve. Hamasi gjatë sulmit të 7 tetorit vrau afër 1.200 persona dhe mori peng 251 të tjerë. Dyzet e tetë pengje ende janë në Gazë dhe afër 20 prej tyre besohet se ende janë gjallë, ndërkaq pjesa tjetër janë liruar gjatë armëpushimeve apo marrëveshjeve paraprake. Por teksa lufta po vazhdon, organizata më e madhe e studiuesve të gjenocidit tha më 1 shtator se Izraeli po kryen gjenocid në Gazë.