Ish-kryeministri populist çek, Andrej Babis, u sulmua nga një burrë me një bastun gjatë një tubimi para zgjedhjeve parlamentare që do të mbahen në tetor. Ngjarja ndodhi në qytetin Dobra, në lindje të Republikës Çeke. Sipas policisë, autori u arrestua menjëherë, ndërsa ish-kreu I qeverisë u dërgua drejt spitalit ku mori ndihmë mjekësore. Rasti po hetohet për huliganizëm. Kryeministri çek, Petr Fiala, dhe ministri i Brendshëm, Vit Rakusan, e dënuan sulmin, duke e quajtur atë të papranueshëm. Lëvizja ANO aktualisht në opozitë, por ka gjasa të mira të fitojë në zgjedhjet parlamentare që do të mbahen më 3 dhe 4 tetor, sipas sondazheve. Babis, u zgjodh kryeministër më 2017. Por në zgjedhjet parlamentare të vitit 2021 ai humbi. Babis gjithashtu garoi për postin, kryesisht ceremonial, të presidentit në janar 2023, por humbi ndaj Petr Pavelit, një gjeneral në pension.