Banorë në Jemen shiheshin sot duke nxjerrë trupa njerëzish nga rrënojat e një ndërtese të goditur nga sulmet ajrore saudite në verilindje të vendit. Sulmet ajrore erdhën në kundërpërgjigje të raketave të lëshuara nga rebelët Huthi te mbështetur Irani, ndaj qytetit jugor saudit Jazan, ku u vranë dy njerëz. Ky ishte rasti i parë në tre vjet i vdekjeve brenda Arabise Saudite prej konfliktit të Jemenit. Koalicioni i udhëhequr nga Riadi kreu një sulm të gjerë ajror ndaj zonës civile ku besohej se strehoheshin militantet në vendin e varfëruar. Numri i sakte i viktimave ne Jemen nuk dihet por rebelët gjithsesi paralajmëruan fqinjin të ndalojë “agresionin” ose lëshimet raketore do të vazhdojnë. Jemeni është përfshirë nga një lufte e rëndë civile dhe krizë humanitare prej vitit 2014 ku qeveria e mbështetur nga Perëndimi me mbështetjen ajrore të Arabisë Saudite, lufton kundër rebelëve të mbështetur nga Irani. Mijëra njerëz janë vrarë në konflikt, në atë që OKB ka përshkruar si nga krizat më të rënda humanitare në botë.