Në pamje shihej sot ushtria e Izraelit që shkatërronte shtëpi palestineze në fshatin Javaia pranë qytezes së Hebron, që sipas saj ishin ndërtuar pa autorizim. Në këtë zonë ashtu si shumë të tjera në Bregun Perëndimor Tel Avivi ka shpallur ndalim të ndërtimeve, megjithse urdhra të tilla konsiderohen të jashtëligjshëm nga palestinezët dhe komuniteti ndërkombëtar. Grupi i monitorimit të të drejtave Amnesty International ka bërë thirrje që Izraeli të ndalojë praktika të tilla arbitrare që janë mbështetur me vendime nga gjykatat e Tel Avivit. Magdalena Mughrabi, drejtuese e Anmesty për Lindjen e Mesme dhe Afrikën Veriore tha: “Autoritetet Izraelite kanë shkatërruar mijëra jetë palestineze, duke ekspozuar burrat gratë e fëmijët, ndaj viteve të traumës e ankthit”. “Kjo fillimisht me politikat diskriminuese të mohimit të lejeve të ndërtimit dhe më tej me shkatërrimin me bulldozerë të shtëpive, shkollave dhe hambarëve të komuniteteve”. “Këto familje kanë shpenzuar dekada për të qëndruar në tokën e tyre dhe ruajtjen e mënyrës së tyre të jetesës”. “Shkatërrimet e strukturave janë jo vetmë mizore por përfshihen në zhvendosje e detyruar, që përkufizohet si krim lufte”, shtoi Mughrabi.