“E vrau për të mbrojtur nderin e familjen, kështu e dëgjova të thoshte”; ky ishte rrëfimi i një të penduari të drejtësisë, i cili shprehej se Alessandro Alleruzzo, djali i bosit mafioz Giuseppe Alleruzzo kishte ekzekutuar motrën e tij, Nunzia. Vrasja ndodhi në 1995-së, por prangosja e Alessandros 47 vjecar erdhi vetëm tani. Nunzia duket se kishte tradhëtuar bashkëshortin e saj me një eksponent të një klani rival. Ishte vetë djali i viktimës, asokohe 5 vjecar, që tregoi se e ëma për herë të fundit qe larguar nga shtëpia “me dajën”. Vdekja duket, asaj nuk i erdhi nga dora e të shoqit, por e të vëllait. Trupi i gruas u gjet marsin e vitti 1998 në një pus, pas dy telefonatash anonime. Në kokë, ishin dy vrima të shkaktuar nga plumba. Në rinisjen e hetimit më herët këtë vit, u përfshinë edhe përgjimet e bëra personit që mendohej si i dashuri i saj, i cili duke komentuar me dikë tjetër artikujt në shtypin vendas thoshte: Alessandro e ka bërë, ai e ka urdhëruar vrasjen!