Një debat në Elbasan mes një punonjësi të gardës së republikës dhe një oficeri të policisë rrugore, përfundoi në përplasje të ashpër dhe kanosje. Në këtë incident është përfshirë Mateo Ademi, 25 vjeç, shofer i prokurorit të SPAK-ut, Alfred Shehu. Ai ka kërcënuar për shkak të detyrës Shefin e Sektori të Trafikut Urban dhe Interurban Elbasanit, Besmir Likaj. Ky i fundit ka afro 1 vit që mban këtë detyrë dhe pas kërcënimeve që ka marrë nga gardisti Ademi, e ka kallëzuar ngjarjen, ndërsa më pas është vënë në lëvizje Autoriteti i Mbikëqyrjes policore, që ka nisur hetim. Ngjarja është konsideruar serioze, edhe për shkak të funksionit që mban Ademi në Gardën e Republikës dhe lidhjes së tij të drejtpërdrejtë me një përfaqësues të SPAK-ut. Incidenti ndodhi në rrugë paraditen e së enjtes, pranë godinës së Postës në qytetin e Elbasanit.