Operatori gjerman i hekurudhave Deutsche Bahn ka rekrutuar gjashtë qen "nuhatës të botës së egër" për kërkimin e specieve të rrezikuara në impjantet e ndërtimit te linjave, për të përshpejtuar projektet e infrastrukturës. Pranë binarëve të hekurudhës së Frankfurt, zagari spanjoll Monte nuhat tokën me entuziazëm, me veshët e gjata që i bien mbi hundë. Qentë mund të na çojnë "menjëherë aty ku gjenden kafshët" dhe mund të punojnë gjithë vitin, në të gjitha kushtet e motit, tha kujdestarja Jens Bergmann, drejtuese projektesh në agjencinë e Deutsche Bahn. Monte bashkë me pesë qen të tjerë të stërvitur për detyrën, nuhasin për të zbuluar prezencën e gjerprinjve, bretkosave, lakuriqëve, zvarranikëve e gjallesave të tjera, që mund të pengojnë punën ndërtuese. "Ligji na kërkon të identifikojmë prezencën e mundshme të specieve të rrezikuara, ose për mbrojtjen e tyre në vendndodhje ose për gjetjen e një habitati të ri”, shpjegon Bergmann. Pa këta qen, specialistëve do t’u duhej rreth një vit punë. Por prezenca e tyre redukton kohën në rreth dy muaj dhe është shumë më pas ndërhyrëse, thonë zyrtarët.