Të dhënat e Eurostat tregojnë se Shqipëria është vendi me numrin më të vogël të grabitjeve për frymë. Vetëm 3 të tilla në 100.000 banorë, këtë tregon harta e publikuar këtë muaj por që i referohet shifrave të 2019-tës, të cilat nxjerrin nga ana tjetër si më problematiket në këtë drejtim Belgjikën dhe Spanjën, secila me 140 grabitjë për 100 mijë banorë . Eurostat i referohet në këtë klasifikim të tij grabitjeve të dhunshme, gjatë të cilave përdoret forcë fizike apo kërcënimi i armës. Lista tregon se dhe Anglia e Portugalia renditen lart kur vjën fjala tek një fenomen i tille, e cudia është dhe se vende si Suedia apo Luksemburgu rezultojnë me një nivel shqetësues grabitjesh. Në Islandë, Norvegji dhe Europën Lindore nga ana tjetër, episode të tilla duket janë më të pakta. Grabitja më e fundit që tronditi opinionin publik në Shqipëri ishte ajo e biznesmenit Nazmi Çangu, i cili dhe u dhunua nga hajdutët. Cangu deklaroi se kishte pasur në banesë 100 mijë euro kesh. Policia dyshon se grabitësit kanë pasur informacion për shumën e madhe të parave që ai mbante në shtëpi, e për këtë dhe e kanë shenjestruar.