Në pamje shihen pasojat e sulmit të një grupi personash të armatosur ndaj një burgu në shtetin meksikan të Hidalgo, ku nëntë të burgosur u liruan nga bandat. Sulmuesit kishin hedhur në erë disa automjete jashtë impjantit për të tërhequr fillimisht vëmendjen, para se të mësynin duke plagosur të paktën dy oficerë, thanë autoritetet. Autorët e sulmit të mëngjesit heret në burgun e Tula, mësynë brenda me automjete dhe u larguan duke marrë nëntë të burgosur me vete. Mediat vendase raportonin se të arratisurit, kryenin dënime për krime si vjedhje pengmarrje e zhvatje. Disa burime thonin se aksioni kishte si objektiv lirimin e anëtarëve të bandës kriminale Pueblos Unidos. Meksika është goditur nga një valë e re dhune e lidhur me krimin e organizuar. Sipas shifrave zyrtare më shumë se 300,000 janë regjistruar që prej dhjetorit 2006, kur qeveria nisi një operacion të gjerë të kontestuar kundër karteleve të drogës.