Grupe shpëtimi kërkonin sot për të mbijetuar pas rrëshkitjeve vrastare të dheut në provincën kineze të Guizhou, ku të paktën 14 njerëz kanë humbur jetën. Rrëshkitja e dheut ndodhi në një kantier ndërtimi ku punonjësit po përforconin një faqe kodre mbrëmjen e të hënës, tha agjencia shtetërore Xinhua. Zyrtarët kanë gjetur deri tani 14 trupa. Tre njerëz janë të plagosur por shkaku i aksidentit është ende nën hetim, thonë autoritetet. Imazhet e publikura nga mediat shtetërore tregonin grupet e shpëtimit që punonin gjatë natës me projektorë ndricues, mes masës së madhe të rrënojave. Aksidente ndërtimi ose industriale kanë ndodhur disa herë gjatë viteve në Kinë, prej standardeve të relaksuara të sigurisë në punë. Në dhjetor dy punonjës u vranë dhe 20 u shpëtuan nga përmbytja e një miniere në provincën Shanxi. Ndërsa në korrik 14 punonjës u vranë në provincën jugore Guangdong pas përmbytjes së tunelit ku ata po punonin.