Zjarrfikësa dhe grupe emergjencash vazhdonin sot të punonin e të ndihmonin në Mayfield, qyteza e shttetit amerikan të Kentucky, e goditur më rëndë nga tornadot vrasës të fundjavës. Autoritetet thanë sot se të paktën 105 njerëz janë të humbur dhe shumë familje kërkojnë lajme për të dashurit e tyre. Por Guvernatori Andy Besher tha se do të ketë të tjera vdekje të konfirmuara në ditët në vijim. Që prej mëngjesit të të shtunës asnjë person nuk është gjetur më gjallë por përpjekjet e kërkimit kanë vijuar. Punonjësit e emergjencave dhe rreth 300 ushtarakë të Gardës Kombëtare po kërkojnë në rrënoja si dhe po shpërndajnë ujë e gjeneratorë për rezidentët. Besher tha se po përdoren qen nuhates për kërkimet në rrënoja dhe shtoi se “vijojnë të gjenden trupa viktimash në disa vendndodhje”. "Asgjë që qëndronte në linjën e kalimit të tornadove nuk është më në këmbë.” “ Shkatërrimi është i tillë sa nuk kisha parë kurrë dicka te tille në jetën time” tha guvernatori.