Për akuzën e vrasjes së Rruzhdi Hoxhës, fshehjen e kufomës dhe mbajtje pa leje të armëve , Fredi Rrushi u dënua me 15 vite burgim. Por ai pëfitoi nga gjykimi I shkurtuar e për rrjedhim sipas gjykatës së Tiranës dënimi I zbret në dhjetë vjet burgim. Në krye të gati dy viteve nga rrëmbimi I hoxhës , prokuroria nuk qe në gjendje të vërtetonte akuzat e pastrimit të parave prej të dyshuarit e po ashtu as motivet se përse 45 vjecari nga Mati ndryshoi axhendë dhe nga një kafene , e transportoi me automjet duke e qëlluar me dy plumba në malin e dajtit. Krimi si prokurorisë u krye dy javë përpara se të zbulohej trupi I të ndjerit, zhdukja e të cilit u denoncua nga I biri. Denoncuesi e përshkroi kryefamiljarin si përdorues të kokainës dhe se ditën e largimit nga banesa e kishin marrë në shtëpi miqte e tij. Kamerat e sigurisë vërtetuan se I ndjeri orët e fundit të jetës kishte udhëtuar me një automjet, që drejtohej nga I akzuari, I cili ndërkohë lëvizte I lirë në kryeqytet pavarësisht se ishte në kërkim nga autoritetet italiane. Por prokuroria nuk arriti të mblidhte prova për dyshimet e tjera të policisë, atë të kultivimit të dogës në zonën e malit të dajtit, aty ku u arrestuan disa persona , të cilët kishin kultivuar kanabis sativa. I dyshuari këmbëngul se nuk ka lidhje me krimin , dhe se e la Hoxhën në afërsi të banesës, një version që rrëzohet nga kamerat e sigurisë