Në autobus dhe tren vetëm me teste negative, çertifikatë shërimi ose vaksinimi; Gjermania ka vendosur ligj të ri për mbrojtjen nga infektimet. Legjislacioni i miratuar pak ditë më parë nga parlamenti gjerman parashikon mbajtjen e maskës në ambiente të mbyllura. Vizitorët dhe bashkëpunëtorët në azilet e të moshuarve dhe të personave me aftësi të kufizuar ose në spitale duhet të paraqesin çdo ditë nga një test negativ. Kjo vlen edhe për të vaksinuarit. Kontrollet do të shpeshtohen dhe shkeljet do të ndëshkohen më rreptësisht. Ligji parashikon gjithashtu masa të veçanta për ato lande, ku shkalla e hospitalizimeve është mbi tre, pra, 3 në 100.000 dërgohen në spital pas infektimit me Covid. Në varësi të zhvillimit të pandemisë në secilin land, masat parashikojnë ndalimin e hyrjes në restorant, në ambjente të kohës së lirë, si palestra, stadiume, bare e koncerte për personat e pavaksinuar. Masa të tilla ndërkohë kanë filluar të merren në shumë lande të Gjermanisë, sidomos në Bavari, Berlin, Baden Württenberg, Saksoni etj, ku incidencat sa vijnë e shtohen. Ndërkohe edhe në Itali, rajone si ai i Lazios e Venetos po insistojnë për rikthimin e maskave në ambjente të hapura. Nje disiplinë homogjene në të gjithë vendin, është e domosdoshme, theksoi përgjegjësine për shendetësinë i Lazios, Alessio D'Amato, me argumentin se “maska është më mirë sesa izolimi”.