Gjermania duket se nuk do t`ia bëjë të lehtë presidentit amerikan Donald Trump planet e tij lidhur me Rusinë. Kjo dëshmohet qartë në deklaratën e ministrit gjerman të financave Joerg Kukies., sipas të cilit Rusia nuk do të kthehet në grupin e shtatë shteteve më të industrializuara të botës sic kërkon shefi i Shtëpisë së Bardhë. G7 e dënon shumë qartë luftën e agresionit të Rusisë, veçanërisht në përvjetorin e tretë të sulmit brutal nga Rusia. Propozimi i Trumpit nuk ka për ta siguruar mbështetjen e nevojshme unanime. Kukies udhëton sot drejt Kejp Taunit, për të marrë pjesë në samitin e financave të G20-s, ku do të mungojë nga ana tjetër sekretari amerikan i Thesarit, Scott Bessent, për shkak të angazhimeve të tjera. Boshtin e takimit pritet ta përbëjë gjendja aktuale e ekonomisë globale. Jemi në pikën që duhet vërtet t’i rikthehemi rrugës së zhvillimit ekonomik. Në këtë drejtim, Gjermania ka shumë detyra shtëpie për të bërë. Kukies u emërua ministër i Financave nga kancelari në largim, Olaf Scholz, në nëntor, pasi koalicioni qeverisës i Scholzit u rrëzua me votë mosbesimi, dhe pritet të shërbejë në këtë post derisa të formohet një qeveri e re pas zgjedhjeve të së dielës, të cilat i fituan konservatorët e Friedrich Merzit.