Një 50-vjeçar ka dalë në gjyq në Gjermani, i akuzuar se ka qëlluar për vdekje një punonjës karburanti që i kërkoi të mbante maskë teksa blinte birrë. Vrasja e shtatorit të vitit të shkuar në qytezën e Oberstein shokoi Gjermaninë, ku u mbajtën dhe protesta të ashpra kundër masave tw pandemisw. Konflikti kishte nisur kur punonjësi i ri 20-vjeçar i kishte kërkuar të akuzuarit të mbante maskë brenda dyqanit, siç kërkohej asokohe nga qeveria gjermane. 50 vjecari ishte larguar dhe ishte kthyer më vonë me maskën e kërkuar, por teksa paguante kanacet e birrës hoqi maskën për një moment dhe nisi tw debatonte me shitwsin. Prokurorët thanë se ai kishte nxjerrë një revolver dhe kishte qëlluar për vdekje në kokë punonjësin. Prokurorja Nicole Frohn tha i akuzuari pwr vrasje ishte i zemëruar për masat kufizuese pasi i konsideronte ato si shkelje të tw drejtave të njeriut. "Meqënëse ai e dinte se nuk mund të vriste politikanët qw vendoswn masat, ai vrau punonjësin që insistonte në zbatimin e masave”, tha prokurorja. Gjermania këtë muaj ka hequr shumicën e masave anticovid por maskat ende kërkohen në shumë ambjente të mbyllura.