Pentagoni kërkon të ulë forcën e punonjës civilë me të paktën 50,000 deri 60,000 persona. Mediat ndërkombëtare citojnë një zyrtar të lartë të mbrojtjes i cili thotë se ulja me 8% e punonjësve nuk është drastike. “Shifra duket e lartë, por duhet të fokusohemi tek përqindja, një ulje prej 5% deri 8% nuk është diçka drastike. Kjo mund të bëhet pa ndikuar negativisht në gatishmërinë e forcave, për t’u siguruar që burimet tona janë të alokuara drejt qëllimeve të duhura.” Pritet që këto shkurtime të vijnë përmes ngrirjes së punësimeve, largimit të punonjësve në periudhën me më pak se një apo dy vjet shërbim, dhe nga persona që do të pranojnë një ofertë për të dhënë dorëheqjen me pagë të plotë deri në fund të shtatorit. Shkurtimet masive të vendeve të punës ka qenë një ndër çështjet më të diskutuara pas kthimit të Trump në zyrë pasi në javën e parë të mandatit Departamenti i Efikasitetit, i drejtuar nga Elon Musk iu ofroi të gjithë punonjësve të agjencive federale të jepnin dorëheqjen në këmbim të 8 muajve rrogë të plotë.