Top Channel/ Frikë nga Cikloni “Mocha”, mijëra familje braktisin shtëpitë në Mianmar e Bangladesh

Qindra mijëra famlje që jetojnë në pjesën bregdetare po evakuohen nga Bangladeshi dhe Mianmari pasi pritet që gjiri i Bengalit të goditet nga cikloni "Mocha”. Parashikohet që numri i personave që do evakuohen të afrohet në 500 mijë persona. Departamenti Meteorologjik i Indisë njoftoi se cikloni "Mocha" do të godasë këtë të diel me të paktën 160 kilometra në orë qytetin bregdetar Cox’s Bazar në jug të Bangladeshit dhe qytetin Kyaukpyu të Mianmarit. Krahas ciklonit në rajon priten edhe shira intensivë ndaj janë paralajmëruar anijet që të mos udhëtojnë mes Gjirit të Bengalit dhe Detit Andaman. Zyrtarët e të dy vendeve teksa janë përgatitur të evakuojnë qindra mijëra qytetarë, i kanë bërë thirrje popullatës të qëndrojë larg zonave bregdetare. Pamjet: AFP